चोरिको पराकाष्ट : अक्षय कुमारको ‘हे बल्मा’बाट यसरी चोरियो नेपाली ठूली

नेपाली सिनेमाका गीतसंगीतहरु बलिउड या अन्य कुनै भाषाका गीतसंगीतबाट हुबहु सारिएका उदाहरण त प्रशस्त पाइन्छन् । तर एल्बममा समावेश गीतहरु पनि हुबहु चोर्न थालिएको छ ।
रेड पाण्डा डान्स एण्ड मुभी हाउसको पहिलो प्रस्तुतीको रुपमा बजारमा आएको सावित्री खत्रीको एल्बम ‘ठूली’मा समावेश शिर्ष गीत चोरीको पराकाष्ट बनेको छ । एल्बममा समावेश शिर्ष गीतलाई बलिउड चलचित्र ‘खेलाडी ७८६’ मा समावेश ‘हे बल्मा’ बोलको गीतबाट हुबहु चोरिएको छ ।
शंकर अधिकारी ‘घायल’ले लेखेको यो गीतलाई राजेन्द्र श्रेष्ठले संगीत भरेका छन् । राजेन्द्र नेपाली सांगीतिक क्षेत्रका लागि खासै सुनिएका व्यक्ति होइनन् । तर उनले यो गीतलाई बलिउड सिनेमाको गीतसँग मिलाएर सस्तो नाम कमाउने उपाय रचेका छन् । सावित्री खत्री, प्रल्हाद तिमिल्सिना, शम्भु रैकाको आवाज रहेको यो गीतको भिडियोलाई कविराज गहतराजले निर्देशन गरेका हुन् ।
संजय लामाको छायांकन, अर्जुन जीसीको सम्पादन रहेको यो भिडियोमा बर्षा राउत र नरेश विर सिंहले अभिनय गरेका छन् । चलचित्रको कोरियोग्राफी भने आकर्षक गरिएको छ । तर चलचित्रको संगीतलाई हुबहु ‘बल्मा’ बोलको गीतसँग मिलाएर संगीतकारले नेपाली संगीतको धज्जी उडाएका छन् । हेर्नुहोस् एल्बम ‘ठूली’मा समावेश शिर्ष गीतको भिडियो ।